ربنا مفضحنيش، خالد الصاوي يكشف أخطر 4 دقائق في حياته بسبب الممنوعات (فيديو) - لاين نيوز

خالد الصاوي، كشف الفنان خالد الصاوي، أصعب 4 دقائق في حياته بسبب تعاطي المخدرات والممنوعات، لافتًا: "في فترة معينة خدني العالم البديل من العالم الحقيقي، خدتني الممنوعات أكتر مما ينبغي بدون حكمة".

خطأ خالد الصاوي في تعاطي المخدرات والكحول

وقال خالد الصاوي خلال تصريحات مع أنس بوخش:"انا عملت غلط في حياتي ممكن أخبيه واسكت ولكن انا بانقله لحد تاني يمكن أساعده ميقعش فيه، الإنسان فيه شوية غرور، والحمد لله كانت صحتي طول عمري فساعات كنت أخش بالدراع فاتمديت في الغلط".

وتابع:"حصل موقف غريب فجأة قلبي لقيته بينط خارج صدري بطريقة بتقول لي هاموت حالا ومشكلتي الكبيرة ساعتها مش عايز أموت ويبقى فيه فضيحة وعايز أقوم أجمع البلاوي وأموت على نضافة لإنها هتبقى فضيحة وأنا اسمي أحيانا بيبقى أهم من جسمي، فدخلت بالعافية على السرير4 ساعات في السرير قلبي مش بيهدأ ومش عارف أعمل حاجة".

حديث خالد الصاوي مع الله

وتابع:"قلت لنفسي مش هنزل مستشفيات ومش هكلم حد  ولا هشوف حد ينقذني في الفضيحة اللي انا فيها إلى أن لجأت لربنا وقلت لربنا سبحانك معنديش غير إن ألجأ لك أرجوك انقذني من الموقف ده وانا هغير حياتي ومش هحط نفسي في الوضع المهين ده تاني وعلى الأقل ومن باب الاحتياط خدني وبلاش الفضيحة اللي برة دي لإن أمي مش هتستحمل".

إنقاذ إلهي لخالد الصاوي

وواصل:"وبعد دقيقة غفوة 4 دقائق بالظبط مكملتش 5 دقايق وقمت كإني نايم 8 ساعات ومفيش مشكلة في القلب وشيلت الممنوعات اللي هي كحول ومخدرات وكل شئ ممكن أي حد يتخيله ولميتها وحرقت اللي حرقت ورميت اللي رميته وكإني بعمل طقس نضافة وصليت ونمت شوية صغيرين وقمت لعبت رياضة ومجيتش جنب الحاجات اللي بتفكرني بالممنوعات لفترة والقعدة نفسها والتليفونات والناس لغاية لما لقيت نفسي اتعافى ودي النعمة".

قصة لجوء خالد الصاوي لإدمان الممنوعات

وأشار:"المنيو بتاعي في الممنوعات كان متسع وده أسوأ وضع عيشته في حياتي وكان عندي ظروف شخصية وعائلية ومهنية صعبة والحقيقة أنا كنت السبب الأخطر فيها".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.